O ENORME CARRO DE PALÁNS DA LNB INVADE A TERRA CHA LUGUESA!!

Iste domingo 3 de febreiro o gran carro da LNB invade por primeira vez a Terra Cha Luguesa para desputar o 6º asalto da Conferencia NorLeste da SUPERLIGA GALEGA DE BILLARDA . O pavillón do Salvador na Pastoriza vai ser a partires das 17 h. un auténtico fervedoiro donde se van cita as grandes estrelas diste deporte chamado billarda que está a romper moldes e que iste domingo vai arrincar os chantos e invadir as leiras da inmensa e podersosa chaira luguesa. Coa metralleta de OVARALMORSE disparando munición sms en tempo real dende a Pastoriza ás 17 h e ás 19 h. e para acompañar á tribo do NorLeste, no carro da LNB soará o explosivo estalo enviado por Mafia Gallega dende a Suiza que xa podedes desfrutar guindado no myspace da LNB . VÉMONOS ALÍ!!

EXPLOSIVO HIP HOP GALEGO FEITO EN SUIZA PARA APOIAR A REVOLUCIÓN BILLARDEIRA!!

Dende un dos barrios de Xenebra , Mafia Galega , a coñecida crew internacional do hip hop galaiko capitaneada polo sempre perigoso Al Capone da rima chamado Paco Gallego, chega un explosivo e impactante single hip hopeiro de apoio á revolución billardeira que a nadie poderá deixar indiferente.

Atención porque o estreo mundial diste temazo está previsto para iste xoves 31 no programa da Radio Galega , Aberto Por Reformas , para posteriormente quedar guindado no myspace da LNB donde poderedes degustalo , amasalo e descargalo . Preparádevos para arrolarvos no chan coma breakers adoecidos porque chega Mafia Gallega armada con paláns e billardas para darlle o seu mercido a todos os maltidos inimigos . A Billarda está na casa , si....... Vilapol Ceive beizóns irmán!!

A TENDA-LNB VAI MANTER DURANTE O MES DE FEBREIRO OS PREZOS ACTUAIS DOS SEUS XA FAMOSOS PACKS-LNB . A PARTIRES DE MARZO A TENDA-LNB E O NOVAS DA GALIZA DISTRIBUIRÁN EN EXCLUSIVA TODO O MATERIAL DEPORTIVO DA LNB CON NOVOS PREZOS. CURSADE XA OS VOSOS PEDIDOS PORQUE A LNB ESTÁ EM REDUÇOES!!

CANS E PALANADORES , OS LÍDERES DA CONF. NOROESTE AMOSAN O SEU MÁIS SALVAXE INSTINTO ANIMAL!!

Billardas ardendo de norte a sur e de leste ao oeste desafiando as leis do imperialismo deportivo, mentras na conferencia Norleste se preparar para iste domingo 3 de febreiro invadir por primeira vez a Terra Cha Luguesa desputando o 6º asalto da liga regular na pista polideportiva da Pastoriza. , no epicentro Sur xa comeza o movimento para formar filas e constituir as equipas con vistas á competición do vindeiro ano e á presentación pública da conferencia no Aberto de Xil , no concello pontevedrés de Meaño. O tremendo bulir dista nova conferencia despertou incluso ás billardas aletargadas de varios palanadores ourensáns que xa están tensar as cordas para tentar incorporarse a ista conferencia Sur que xa está a impactar polo seu tremendo poder e dinamismo. Pero se isto non fora pouco TELE-VARAL destapa un documento de alto segredo no que os líderes da Conferencia NorOeste, amosan os avanzados programas de adestramento con animais polo cales lideran a táboa clasifiatoria . Se o home é un lobo para o home os Xarutos demostran que o palandor non é mais ca un precioso cadelo para o contrincante. ADIANTE O PODER DAS CONFERENCIAS , ADIANTE LNB!!

HISTÓRICO DÍA PARA O DEPORTE GALEGO: NACE A CONFERENCIA SUR DA Liga Nacional de Billarda!!

O Varal confirma a histórica nova do nacemento da Conferencia Sur da LNB , hoxe 25 de xaneiro quedará marcado coma o ferro quente na pel das bestas bravas coma o día no que as billardas asubiando cruzaran doentes de norte a sur desafiando as sempre malditas leis do imperialismo deportivo. Moisés . o coordinador dista nova conferencia LNB concedeu en exclusiva mundial unha entrevista para o medio irmán de VIEIROS , donde analizou os plans a curto e medio prazo da Confercia-Sur que serán dende hoxe coordinados no seu web-blog oficial que xa está a funcionar e a botar lume.

Dende o Varal pensamos que é o intre de recordar ós históricos Palanganas formados fai catro anos en Vigo que se desprazaban ate a Mariña de Lugo para desputar o daquela circuito de torneos LNB xermolo da actual Superliga Galega de Billarda. A día de hoxe os Palanganas permanecen aletargados por mor dos compromisos laborais dos seus compoñentes pero ogallá se poidan incorporar á recén alumeada Conferencia Sur da LNB para apoiar como sempre fixeron a revolución billardeira que xa invade Galiza enteira. Inscríbete e apoia xa coa Conferencia Sur : moisesaj@yahoo.es . Porque outro deporte é posíbel ....Adiante Conferencia Sur, Adiante LNB!!!

O run-run xa está a invadir a rede ..... preparádevos porque moi pronto pode chegar a confirmación oficial dunha histórica nova que vai invadir de pedra fervendo o poderoso Sul da Galiza.... o impredecíbel volcán da LNB xa entrou en erupción!!

OS ÓSOS DA LNB DESAFÍAN ÓS MOTORES NOS ADESTRAMENTOS LIBRES!!

Mentras na Conferencia NorOeste con epicentro na Coruña , se recuperan da tremenda resaca do terceiro asalto , na conferencia irmán do Norleste inician , desafiando ós monoplazas da fórmula 1 en Cheste , as sesións de adestramentos libres no pavillón de San Miguel de Reinante. Moi atentos ós horarios establecidos pola LNB, San Miguel de Reinante: Todos os martes de 20 a 21 h e estase a pechar o horario e días para un pavillón no concello de Ribadeo. Ruxen os ósos desafiando os motores!!

O FUME DOS XARUTOS INVADE A CONFERENCIA NOROESTE!!

Centos de chamados e mails colapsaron a minúscula centraliña do VARAL preocupaos pola falla de información no VARALMORSE. Unha tarde combulsa fixo que problemas no servidor non pudiéramos coma sempre servir a tan desexada información , pero non vos preocupedes, no seguinte asalto todo estará solucionado. Mentras na pista da zapeira niste 3º asalto da conferencia NorOeste consolidación absoluta do poder Xaruto na cabeza da clasificación de franquicias , debacle electrónica e ascendendo coma o vapor dunha ola da matanza os filloa de Sangue, atentos porque moi pronto no seu web oficial actulizaranse todas as súas táboas clasificatorias , con trocos importantes na xeral e na listaxe de varados. Pero por se isto non fora pouco, novidades explosivas en TELE-VARAL , ista vez ante a baixa da titular Besbe polo verme do katarro, Serxio Xaruto colle as cinchas e conduce a gran carroceta dixital a todo trapo polos descampados da Zapateira.

OS D4 LNB 74L4MO5 AS1!!

Arrinca tamén o ano na conferencia NorOeste con epicentro na cidade da Coruña, hei neno!! Iste domindo 20 a partires das 16 h tes unha cita inescusábel na Pista da Zapateira , que poderás seguir en tempo real no VARALMORSE en conexión directa coa pista ás 16 e 18:30 h. Ista conferencia atlántica apresenta tamén o calendario definitivo de competición para iste ano que empeza , e faino coa gran novidade de que ti podes levar un distes torneos ó teu concello da zona NorOeste da Galiza póndote en contacto con eles e participando activamente como ben di Palanotrönic, inscribíndote xunto cos teu colegas na chamado Franquicia Branca. O batuxo da LNB invade Atlántico piscina!!

3º ASALTO NA CONF. NOROESTE CON CONCETRACIÓN PREVIA NA FESTA BLOGER!!

Mentras na Confernecia NorLeste os explosivos espacios de análise da pasada xornada En Laza ou Orellas Gachas botan fume pola masiva afluencia dos xa asiduos leitores , na Conferencia NorOeste con epicentro na cidade da Coruña prepáranse para afrontar iste domingo na pista da Zapeira o seu 3º choque da liga regular, Palanotrönic , o cibor-reporteiro da LNB asiduo da Flor de Montouto , anúnciavos en exclusiva mundial iste gran asalto que terá coma gran antesala a concertacón previa de blogers o venres 18 no pub 14 a partires das 23 h , donde os djs Mourente, SaK, Helena, Pezunhitas , Common boy e incluso a posíbel irrupción de Palanotrönic entre os beats doentes farán de seguro rebentar a pista , primeiro de baile e despois o ring de combate: Escoita a Palanotrönic!!

ALERTA VERMELLA POLA CHEGADA DO GOLPE DE TELE-VARAL!!

Despois da gran tormenta billardeira nos Kioskes da Galiza chega O Golpe dirixido e presentado por Juan Pico con explosiva postproducido dos servicios técnicos de TELE-VARAL . Imperdíbel ó análise da xornada dun electrico Xosiño da EkipA e do poderoso Emilio dos Remourelle Bulls. Coma o raposo que cruza a estrada desafiando a luz cegadora dos coches así chega o Golpe para refuxirse da tormenta entre as xestas dixitais do teu computador.

Extra, Extra!!... como xa anunciabamos dende OVARALMORSE , o xornal El País ofrece iste martes 15 un amplo reportaxe sobre a LNB con explosivas e exclusivas fotos diste noso deporte que racha moldes. Corre ó kioske!!

TELE-VARAL OFRECE EN EXCLUSIVA MUNDIAL UNHA NOVA EDICIÓN DA CARREIRA DA XORNADA!!

Impactante 5º CARREIRA DA XORNADA entre dous pesos pesados do deporte da billarda e dos Bolos na Galiza, Ginés Vs Américo fronte a fronte nunha carreira marcada polos condicionantes da práctica da billarda-indoor. E moi atentos porque o mércores chega o sempre explosivo Golpe de TELE-VARAL con nova producción e cuns convidados que rachan moldes!!

O 5º ASALTO NA CONF. NOROESTE PRODUCE TROCOS DE LIDER [preme ver clasificacións]

O vendaval que azouta o cantábrico obrou á serpe a refuxiarse no pavillón polideportivo de San Miguel de reinante ante a imposivilidade máis que evidente de non poder desenrolar o 5º asalto da superliga na Conferencia NorLeste na pista ribadense de Santalla de Vilausende. Un día de cans no que os chuzos de punta e os tronos resoaban no teito dun pavillón abarrotado ate os topes polos palanadores e palanadoras máis un entregado público que seguíu con interese extremo as evolucións das estrelas do deporte da billarda na rapidísima pista de xogo



Os lóstregos de fóra transladáronde ó interior do pavillón transformados e golpexos secos e poderosos que fixeron tambalearse a clasificación xeral, o xoven Cristian perdeu o liderato en parte perxudicado polos continuos golpexos nas bigas que lle impediron desenrolar o seu habitual xogo de altos voos, mentras que o italo-galego Delfranco e o astur-galego David souberon aproveitar mellor as condición do indoor para facerco co liderato nas series A e B.

Pero ista vez , como se relatou en directo dende a pista por medio de OVARALMORSE, depois de primeiro anunciar o troco de pista A lnb translada o asalto 5 na con. Nl d santalla o pavillon d san miguel . Inicio 16h! , o contador incendiario de resultados en tempo real da LNB disparou iste tremendo e sorprendente xostrazo: o pavillon d san miguel, unha ola a presion q poderedes ver moi pronto no xornal el pais!, e efectivamente moi atentos porque a edición galega de el pais , prepara unha espectacular reportaxe sobre a LNB con fotos impactantes tomadas niste 5º asalto da conferencia NorLeste. Moi atentos porque o furacán da LNB amiaza con tirar postes e tellados, alerta vermella na Galiza ante o vendaval que se aproxima!!

AUGA E BILLARDAS A CALDEIRADAS ISTA FIN DE SEMANA!!

Como ben di Palanotrönic na súa histórica 1º nota , no norte escuro escuro vendaval en duro!! , O Varal ofréceche a guía de emerxencia para ista find co palán e a billarda desafiar a tormenta:

venres ás 18:30H: Os enxenierios de Panaotrönic estarán no tren do serán da RG para informar sobre o noso Robot e sobre a última hora da LNB que se enfronta á tormenta.

domingo ás 16 H: inico do 5º aslato conf.Norleste na pista de santalla de Vilausende, se hai problemas a LNB comunicará ás 14 H mediante OVARALMORSE ós palanaores e palanadoras o translado ó pavillón da San Miguel de Reinante .

OVARALMORSE: TRANSMITIRÁ EN DIRECTO ÁS 14 H O SITIO DEFINITIVO DO ASALTO E ÁS 18:30 O RESULTADO FINAL DO MESMO.

E INCLUSO HABILITAMOS UN TELF. DE EMERXENCIA PARA AXUDA Ó PALANADOR/A:627.166834

1º NOTA OFICIAL DE PALANOTRÖNIC PARA PALANDORES E PALANADORAS!!

PREME PARA OUVIR A NOTA ESPECIAL DE PALANOTRÖNIC PARA O 5º ASALTO NA CONFERENCIA NORLESTE

TODA A INFORMACIÓN SOBRE HORARIOS DE PARTIDO E ADESTRAMENTOS NO WEB OFICIAL DA CONF. NORLESTE!!

CHEGA PALANOTRÖNIC, O PRIMEIRO CIBOR-CORRESPONSAL GALEGO!!

Farto das aburridas notas de prensa anunciando un partido? a LNB dá un paso máis a diante e presenta a PALANOTRÖNIC , o primeiro cibor-corresponsal galego que lerá e difundirá nos diferentes medios coa súa voz de robot de desguace as notas de prensa anunciuando os diferentes movimentos da gran serpe multicor que é a LNB . E a estrea vai ser co anuncio do 5º asalto na conf. Norleste en Santalla de Vilausende, afina a orella..... porque chega Palanotrönic para invadir os medios ate o de agora controlado por humanos!!

A INDOMÁBEL VOZ DA OUTRA SANTALLA ESTÁ CHAMANDO POR TI!!

O poderoso imán da competición e do espectáculo fai que sexan centos os afeccionados que iste domingo 13 sintan unha voz que os guíe cara Santalla de Vilausente , parroquia de Ribadeo que acolle o espectacular 5º asalto da Conferencia Norleste, no seu web pódese descargar xa a quiniela diste asalto, ver as clasificacións e comprobar o estado e mediadas da pista de Santalla. Pero a voz interior que xa sintes no maxín non vai ser a única que te vai invadir istes días previos ó grande asalto, permanece atento porque na LNB todo pode acontecer!!

NORTE ESCURO VENDAVAL EN DURO , CHEGA O 5º ASALTO NA CONF. NORLESTE!!

Arrinca o ano co 5º asalto na conferencia NorLeste, e faino invadindo por primeira vez na historia a pista Ribadense da parroquia de Santalla de Vilausente. Iste domingo 13 de xaneiro apartires das 15:30 h. as billardas cortarán o ar na primeira enganchada do 2008. e se afinades o ouvido sentiredes como unha estrana forza vos atrae , é a pista de Santalla que fala e vos di que vos acheguedes ate o norte escuro desafiando o vendaval en duro!!

PALANADORES E PALANADORAS ARMADAS, LNB RESPEITADA!!

Mentras na conferencia Norleste quentan motores para o 13 de xaneiro desputar a cara de can o 5º asalto da liga regular na pista do auténtico Santalla en Ribadeo , na NorOeste tecnifícanse para o desenrolo do seu material deportivo , os dous Luises , un dos novos líderes da conferencia O Xarutos e outro dos sempre dinámicos Filloas de Sangue amosan a TELE-VARAL da man de Besbe as súas armas coas que agardarán para o vindeiro 16 de marzo ós palanadores e palanadoras da conferencia cantábrica nunha nova edición do All Stars que vai ter moitas novidades, entre elas a desputa do CUNDO DAS CONFEDERACIÓNS. PREPARÁDEVOS PORQUE A ÓLA DA LNB XA ESTÁ Ó LUME!!

O GOLPE INVADINDO AS ONDAS!!

E mentras se perfilan os reforzos das franquicias en apuros no sempre explosivo mercado de inverno , recuperamos para tomar impulso niste ano no que xa ferven as billardas desafiando as xeadas, unhas exclusivas instantaneas da presencia a mediados de decembro do noso grande referente mediático Juán Pico , o director e presentador do Golpe de TELE-VARAL , invadíu as ondas de radio Foz para explicar ós ouvintes de que se trata o furacán deportivo da LNB e presentar en exclusiva mundial a primeira versión en audio para radios do Golpe.



Se queres que Juán Pico, ou calquer membro da LNB acoda á túa emisora se radio , ponte en contacto : ovaral@hotmail.com