O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

quinta-feira, dezembro 30, 2004


CRÓNICO: TORNEO "PALÁN DE OURO” SAN XURXO 11-4-04



San Xurxo , en Lourenzá, vestiuse de gala para recibir á élite da billarda da mariña. Como se dun día de festa se tratara , a pista deportiva ateigouse de xente para ver o xa considerado como o deporte revelación, “A Billarda”.

Non faltou ninguen á cita marcada pola LNB , como se dun all stars adiantado se tratara , os mellores palanadores das distintas franquicias achegáronse a San Xurxo para tentar de levar para a casa a escultura do “palan de ouro”.

A dureza coa que se competía nos grupos clasificadorios marcou o reñido campionato , Santo Adrao tornouse como a franquicia revelación con Ruben facendo un “varado” é dicer , acadar unha carreira nun só golpe, con Castedo e unha acertada Xenma que nas roldas clasificatorias permitiuse incluso o luxo de vencer ó intratable “Zidane da billarda” Ismael. Non foi menos contundente a actuación da franquicia do Pedrón , a unha inspiradírima Piedad hai que sumar o bo facer do Fras que se plantou nos cuartos de final sen previo aviso, os Caimaneros de Ribadeo tamén situaron a Urbano dentro das roldas para a final ó igual ca Juan da franquicia de Vilamar que se achegou a San Xurxo para tratar de romper coa hexemonía dos Petapouco de Barreiros.
Destacar o bo comezo de Vicente “ o Beckham da Ponte da pedra” pero que non soubo manter a regularidade , o mesmo lle pasou a Ana dos petapouco e a Aurora dos fungueiros que se ven desta vez quedaron nas previas apuntan fortísimo para colarse nas finais.
A que xa non é sorpresa é Ana dos fungueiros de Lourenzá que situada nos cuartos xa marcou credenciais para futuros campionatos.
Despois da titánica loita nas previas , a final do palán de ouro xogárona Ismael dos Petapouco e un impresionante Fernando, palanador de Recemil, defendendo as cores da franquicia de Lourenzá.
A maior experiencia de Ismael niste tipo de situacións marcou o signo da final e o “Palán de ouro” marchou para Barreiros.
A intensidade e a emoción vivida en San Xurxo demostraron que
outro deporte é posible!! Posted by Hello

XERMÁN DOS " FUNGUEIROS " DE LOURENZÁ INICIA CARREIRA EN SAN XURXO NA DISPUTA DO "PALÁN DE OURO" Posted by Hello

CRÓNICO " SUPER-PALÁN DE PRIMAVERA"

SAN XUSTO 16-5-04

TORNEO "SUPER-PALÁN DE PRIMAVERA"

Tarde soleada en San Xusto a do domingo 16 de maio para celebrar o primeiro torneo de billarda da primavera do 2004.
Dende antes das catro da tarde as bancadas da pista amosaban un aspecto só comparable ó da festa antes dunha actuación da París de Noia.
Ista vez non era un espectáculo de luz e son senón a forza e a precisión dos palanadores e palanadoras da LNB os que ían por a emoción ós milleiros de afeccionados que se achegaron á pista central de San Xusto.
Poida que fose o exceso de calor o que fixo que as roldas clasificatorias empezaran amosando resultados sorprendentes, por unha banda , un case descoñecido Fernando dos Fungueiros de Lourenzá ía perdendo carreiras e finalmente quedaba fóra das tandas finais, noutro grupo tamén saltaba a sorpresa e Xermán falto de precisión e quizais achicado pola presión quedaba fóra tamén das tandas polo título, pero o que en ninguna quiniela constaba era a eliminación de Ismael, O Zidane da billarda quedaba eliminado nas primeiras de cambio deixando que a sorpresa se espallara polas bancadas da pista central de San Xusto igual que o lume se espalla na herba seca.
Pero se a sorpresa foi un feito dos máis notables niste palán de primavera non podemos esquecer algo que xa viñamos anunciando, o “poder feminino” confirmouse no ardente cemento de San Xusto, se Piedad e Marifé quedaron ás portas das series finais , Ana e Aurora dos Fungueiros de Lourenzá amosaron as súas armas de muller e chantáronse nas roldas finais sendo Aurora a que quedou chamando ás portas da gloria xa que foi derrotada na semifinal polo Pego da franquicia local de San Xusto.
O outro finalista foi un inspiradísimo David que preparou a conciencia iste Super-palán de primavera, aínda que vestindo a camiseta vermella dos Petapouco de Barreiros , David quería deixarse ver ante os seu público xa que San Xusto é a súa vila natal e donde deu os seus primeiros palados como criança.
Para ser finalista David, enfrontouse nunha disas carreiras que fan afección a un impresionate Pepe da franquicia de Vilamartin – Pequeno, que aínda que sendo un debutante na competición actuou coma un auténtico veterano con toque e precisión de auténtico mestre.
Destacar o bo papel dos xuvenís de ouro, Roi de Lourenzá e Iván dos Caimaneros de Ribadeo demostraron que a idade non é un impedimento para ser uns galácticos da billarda, na franquicia de San Xusto hai que salientar o impresionante empezar do palanador local Pepe pero que non soubo manter a regularidade en todo o campionato.
A final enfrontaría a dous palanadores locais aínda que de defendendo diferentes escadras.
O nerviosismo inicial do Pego fixo que David aproveitara cada golpe para achegarse ó varal e nun apaixoante final de carreira facer valer a súa maior veteranía e levar para a casa o “ Super-palán de primavera”.

ANA DOS "PETAPOUCO" DE BARREIROS GOLPEXA XUNTO A IVAN DOS " CAIMANEROS"  Posted by Hello

sexta-feira, dezembro 24, 2004


tres membros dos Petapoco de Barreiros tentando concentrasse para vencer no trofeo do verán en Vilamar, campionato que foi para Xermán da franquicia de Lourenzá . Posted by Hello

quinta-feira, dezembro 23, 2004

CRÓNICOS: "BILLARDA DE VERÁN"

VILAMAR 11-7-04


A pista central de Vilamar fumeaba por mor da tensión que desplegaban os palanadores e palanadoras que dende primeiras horas da tarde ían chegando e iniciando as roldas de quencemento, as miradas de esguello entre os deportistas foron a norma nistes intres iniciais, billardas escondidas nos petos , gardadas coma ouro en pano facían que naide quixera amosar as súas armas antes de tempo.
A tensión era tal á hora dos emparellamentos que incluso se oíron calificativos coma “estou no grupo da morte” en referencia á loita fraticida que xa se supuña en determinados grupos antes incluso de que a primeira billarda acariciara o ar ardente de Vilamar.
A música e a bebereta na cantina da LNB disimulaban dalgún xeito a loita que se estaba a producir no cemento pulido da pista cental, a canícula facía suar ós competidores dos catro grupos , unha cor distinta á roxa dos petapouco parecía que ía gañando terreo xa nas eliminatorias, “a laranxa mecánica” ía impondo o seu estilo e a súa pegada firme ante a ollada atónita do numeroso público que se deu cita iste domingo case tropical.

Entre as mulleres desta volta Ana dos fungueiros de Lourenzá arrasou e chantouse nas semifinais como única representante feminina, a ausencia da súa compañeira de escadra Aurora non puido ser suplida por unha devutante na competición, Anita da franquicia de San Tomé ten que seguir bebendo da auga da fonte da súa parroquia natal para depurar o un pouco máis seu espectacular estilo, o cansancio dunha Ana dos petapouco marcou o seu xogo na competición xa que a longa travesía a pé da mañá para gañar o xubileo fixo que pola tarde perdera nas roldas clasificatorias.
Xunto coa cor laranxa , unha cor, a amarela , parecía que se ía colando e gañando postos para disputar con certas garantías o título da billarda de verán.
Nos cuartos, Servando e David dos petapouco caeron contra Ana e un sorprendente debutante na competición Gonzalo da Laranxa mecánica, Ismael , “O Zidane da billarda” parecía que volvía a ser o super-clase de sempre pero a mala racha pillouno en plena inspiración dun Xermán vestido de amarelo reprentando a máxia do xogo carioca en cada golpe de palán.
O outro semifinalista foi un impresionante José Manuel de laranxa que venceu a un moi regular Fran dos fungueiros que cometeu un so erro e iso na LNB págase moi caro.
Gonzalo cunha espectacular saída derrotou a unha Ana que agardaba o fallo dun Gonzalo intratábel, na outra semifinal , voltaban enfrontarse Xermán “ O Romario” da billarda e José Manuel que ía tentar utilizar as súas dotes coma tenista para tinguir de laranxa a final da Billarda de verán.
Máis non foi posíbel e ó igual que xa pasara nas previas Xermán , o canariño do Castro , venceu e colouse por segunda vez nunha final da LNB.
Na final , a tensión cortábase con navalla, unha froxa saída de Gonzalo, “ O Cantona da Tilleira” fixo que Xermán aproveitara a súa oportunidade cunha billarda que amagou a entrada no varal , Gonzalo presa dos nervios seguía sen dar resposta , Xermán , cun suave golpe de panenca conseguía a primeira victoria para os Fungueiros de Lourenzá.



terça-feira, dezembro 21, 2004


Ismael " o Zidane da billarda" está considerado coma a máxima estrela dentro do deporte da billarda. Posted by Hello

segunda-feira, dezembro 20, 2004

O PICHÓN DA LNB

O VARAL
Revista oficial da LNB

MANDA AS TUAS OPINIÓNS POLO PICHÓN DA LNB



billarda_gz@mixmail.com


Somos o equipo de billarda “ OS PETAPOUCO” . A nosa sede está en San Cosme , aínda que os xogadores e xogadoras estamos repartidos entre varios pobos; Celeiro de Mariñaos, San Cosme e Ribadeo. O noso grupo consta de nove palanadores/as : Ana, Teresa, Servando, David, Mónica, Toño, Juan, Fran e Ismael, os cales temos a billarda coma paixón. Non queremos olvidar a dous pequenos palanadores que veñen facendo os seus primeiros golpexos en cada torneo: Adrián e Antonio.
A idea de formar o equipo surxiu coa pretensión de practicar iste deporte que recordabamos de xogar de nenos .
Estamos a participar en todos os torneos dende a fundación da LNB: torneo de nadal, torneo do lacón, o palán de ouro , o super-palán de primavera e a billarda de verán, agás o torneo de nadal que gañou Juan da Pedreira e a billarda de verán que gañou Xermán dos Fungueiros, os restantes foron para os nosos palanadores, Ismael , o Zidane da billarda, gañou o torneo do lacón e o palán de ouro, David gañou o super-palán de primavera.
Uniforme:
CAMISETA: vermella cos emblemas en branco e manga curta.
PANTALÓN INVERNO: azul cos emblemas en branco e perneira longa.
PANTALÓN DE VERÁN: azul cos emblemas en branco e perneira curta.
Despois de cada torneo a nosa paixón pola billarda aumenta, sobre todo polo gran número de xogadores/as e equipos que se van sumando a cada torneo e pola gran amizade e coordialidade que reina en todos os que practicanmos iste deporte.
Mandamos un saudo a todos os lectores e lectoras do varal e esperamos vernos no vindeiro torneo.


Miguel dos "fungueiros" de lourenzá prepárase para efectuar golpexo. Posted by Hello

A BILLARDA SEN FRONTEIRAS

billarda_gz@mixmail.com

A LNB é unha competición aberta na que participan difertes escadras ou franquicias aínda que non é necesario formar parte dunha delas para poder competir nos diferentes campionatos, ó igual que noutros deportes coma o ciclismo a esencia da competición é individual.
A LNB infantil
Cada vez máis amigos e amigas se animan a coller o palán e participar da festa da LNB, por iso nun futuro non lonxano esperamos poder artellar unha competición de ámbito superior ó comarcal que é no que se basean polo momento as nosas competicións. Desexamos que pouco a pouco franquicias de toda a Galicia se vaian achegando ós torneos da LNB e poidamos ver nun futuro moi próximo unha LNB con equipas de todo o país.Non podemos olvidar que o deporte da billarda non é algo exclusivo de Galicia, Portugal, Canarias , Asturies, Salamanca , Aragón , incluso o magreb e paises celtas coma País de Gales , Escocia e Irlanda practican a billarda coas variantes e peculariedades de cada sitio , é un feito comprobado que deportes coma o béisbol e o críquet derivan da billarda, polo tanto por qué non pensar pois nunha competición de ámbito internacional?

Ismael coa gorra branca olla o inicio de carreira do "caimanero" urbano de Ribadeo. Posted by Hello

sexta-feira, dezembro 17, 2004

O VARAL / 04

O VARAL
Revista oficial da LNB


OUTRO DEPORTE É POSIBLE!

Dende os primeiros golpes do palán contra a billarda no cantón en Lourenzá ,despois de mollarse nos campos de Bretoña, pasando polo frío intenso das tardes na Anguieira en Barreiros , a LNB foi medrando pouco a pouco, sen nervios.




Hoxe cada torneo da LNB convéterse nunha auténtica festa do deporte autóctono , para contalo nace “ O VARAL”, entrevistas, fichaxes e crónicas dos torneos son os principias argumentos para iste xornal que vai tratar toda a actualidade da LNB.



“ A CANTINA” : ENTREVISTA COA ESTRELA DA LNB, ISMAEL, DOS PETAPOUCO DE BARREIROS, FALA EN EXCLUSIVA PARA O VARAL.

-Isma, benvido á cantina da LNB, primeiro, o vermut branco ou escuro?
-Escuro, escuro......
-Con frene ou con xinebra?
-Cunhas gotiñas de xinebra.
-O motor foi a túa primeira paixón , como foi o paso da moto ó billarda?-Empecei facendo cross e xincanas na moto , con saltos no trampolín e escalando balados en diferentes competicións como a das festas de Masma na que gañei
Masma na que gañei un trofeo.
-Pero....., como te enganchanche á billarda?
-A min gustame a madeira e isto son cousas de madeira
-Fas entrenos especiais para cada competición?
-Simplemente o quencemento antes do partido.
-Evitas o acto sexual?
-Iso non impide para nada ....., ó contrario.
-Es consciente do que significas hoxe para a Liga Nacional?
-Hai moita máis xente ca min que fan que a LNB sexa o que hoxe é.
-Párante pola rúa?
-Aínda non cheguei a tanto, aínda que nun bar me parou unha señora para felitarme e moita xente se direixe a min para darme a noraboa e nada máis.
-Cal foi o intre de maior emoción competindo na LNB?
-Quizais, na consecución do “Torneo do Lacón” , porque a parte do premio , foi o primeiro torneo que gañei e púxenlle un especial entusiasmo.
-Como foi a consecución do “ Palán de Ouro” en San Xurxo?
-Foi case algo inesperado , non ía demasiado convencido da victoria, empecei un pouco floxo pero ó final fun avanzando e chanteime na final contra Fernando dos Fungueiros.
-Que pensas de cómo están funcionando as mulleres na LNB?
-Estou abraiado , póñenlle moito entusiasmo , vexo moi próximo o momento no que unha muller sexa a gañadora dun dos torneos LNB.
-Que che pasou no Super-Palán de primavera en San Xusto?
-Algo de nerviosismo, a presión e sobre todo que me pillou a mala racha, había tamén moito aspirante con gañas de gañar
-Gañou David , o teu compañeiro de entrenos e de equipa , Cal é o voso segredo?
- entrenar e non moito porque non hai tempo, é saber darlle o toque e apuntarlle e nada máis.
-Estás contento nos petapouco ou tes ofertas de outras franquicias da LNB?
-Estou contento nos petapouco e as ofertas a min en principio non me interesan.
-Como ves o futuro da LNB?
-Pois vexo a xente moi animada , con cada vez máis afluencia de público e con xente que nunca xogou que colle un pau e ponse a funcionar
-Os teus paus son de xatoba, é o mellor material para facer os paláns?
-Dentro das medidas regulamentarias da LNB pode utilizarse o material que se queira , eu atópome cómodo coa xatoba, tamén teño paláns de toxo pero ten que ser toxo seco porque o verde faise demasiado pesado.
-Diríxete ós varadores e varadoras para que se liguen á LNB.
-Que se animen que é un deporte sano e divertido , sobre todo é un deporte para relacionarse cos amigos e disfrutar da paixón que todos temos en común , a billarda.
-Grazas Isma por vir á cantina da LNB e moita sorte nos próximos torneos.