XOSÉ COLLAZO , UNHA VICTORIA E UNHA BANDEIRA QUE PERCORRE O PAÍS DE ORDES Ó EIDO DOURADO!!

Impresionante imaxe co actual Coroceir@ Nacional sobre o esceario recollendo o premio de segundo clasificado lexitimando a brutal ascensión do gran palanador aborixe da Larancha " Xosé Collazo"  e referente absoluto do concepto de billarda total dentro e fóra da pista , e xunto a eles GendeBeat representando á organización da Festa da República entregou os trofeos ós primeiros clasificados do Aberto todos eles nun esceario presidido pola espectacular  bandeira da República Galega que ise mesmo día se apresentaba publicamente.

Na Alameda de Composta fai uns anos o gran Xosé Collazo tivo o seu primeiro contacto coa LNB no explosivo Set-Billardeiro do día da Patria , no chan unha metralleta de billardas e na diana xefes de estrado, presidentes do goberno e damáis seres detestábeis ós que os palanadores e palanadoras que por alí pasaron axusticiaban...porque un pau na man non é nada , un Set-LNB na Alameda iso que que é muiñada!!

E unhas cuantas horas máis tarde e uns centos de km. máis ó norte no espectacular marco do Eido Dourado en Barreiros botaba andar unha nova edición dos encontros culturais que desafiaron unha vez máis á burbulla e ó cemento armado instalado no subconsciente colectivo. Despois do oleaxe jazz no lusco e fusca e no medio da brisa o pintor e activista contra-cultural Celso Dourado tomou a palabra para dirixirse ó asistentes e recordar a ises que non puideron estar desfruttando da noite , uns por mor da represión do destado os independentistas presos e outros coma o poeta ribadense Marino victima das lapas nun lume que acabou coa súa vida e do cal Celso leu un intenso poema titulado " Libélula"-

E como se tiña anunciado a presentacion da bandeira da República Galega en Ordes tería a súa guinda coa ondaxe da mesma no Eido Dourado transportada ate alí polos referenciais Mini e Mero que pola tarde estaban na estacion vella da Pontragha , os históricos da música galega relizaron un espectacular set acompañados de gaita , pandeireta e bombo e dixeron que nun día tan especial coma o da República Galega tiñan outra actuacion na Gentalha do Pichel , mais non puideron estar alí porque non dan feito... impresionante , dous concertos nun día e con mágoa de non poder realizar o terceiro , MIni e Mero Sempre adiante a República Indíxena Gelega!!