XOSÉ MIGUEL DA FAISCA.... INTRATÁBEL EN CARBALLO DENTRO E FÓRA DA PISTA!!

Cun palán nunha man e no outro unha estrela o sub-comandante Serxio Caamanho coordinou unha histórica accion na vila de Carballo para nun  futuro inmediato invadir a comarca de Bergantiños toda coas perigosas charamenas billardeiras da LNB. Case trinta palanadores e palanadoras organizados en catro equipas  Faisca , Asociacion de Veciñal Monte Pío , Coristanco e Furacáns foron os encarregados de abrir lume nista histórica tarde do xa mítico 28 de abril en Carballo que o sub-comandante Caamanho inmortalizou nise seu espectacular crónico directamente verquido do seu puño e letra...Conferência Bergantinhos , contra a mina e pola soberanía alimetar e desportiva sempre!!

CRÓNICO>>  Numha jornada histórica botava-se a andar a LNB na comarca de Bergantinhos, forom 26 os palanadores e palanadoras que tentaríam erguer o copo da vitória entregado na Taberna de Maruxa, mas sería o palanador da Faísca Xosé Miguel, quem demostrando que os prémios gastronómicos som um incentivo para que dea o melhor de si arrasou na pista. 

Assim depois de que varado tras varado demostrase que nom tem rival na cancha também demostrou que nom o tem nos bares, na referencial Taberna de Maruxa foi onde a presidenta da Asociación de Veciños de Monte Pío lhe entregou o trofeu, que a Maruxa se encarregou de encher rápidamente de licor café, e as sardinhas e a bola de pam que reivindicavam a soberanía alimentar com productos da terra neste aberto.

Muitas caras novas cortarom o ar de Carvalho coa potência das suas bilhardas, dos 26 participantes tam só 6 jogaram algumha vez à bilharda, mas de seguro que o ambiente que reinou na pista de Carvalho fará que muitos destes palanadores e palanadoras engordem a serpe multicor da LNB em vindouras ediçons. E mais quando o espírutu da LNB estivo presente desde o primeiro momento, na prévia do aberto onde como nom num bar tinham lugar as primeiras apostas, o que bebese mais rápido duas taças de vinho estaría exento de jogar em manga curta, e como nom Xosé Miguel mostrou o seu poderío, intratavel fosse qual fose o reto.

Isto notouse nas pistas onde Xosé Miguel com 3 varados demostrou o animal que leva dentro, podemos destacar também ao Carlos Piñeiro que sendo a primeira vez que jogava logrou plantar-se na final. E quem volve a copar os postos mais altos da clasificaçom por equipas, postos que nunca debeu abandonar, é a Faísca que conseguiu meter a 3 dos seus palanadores nas meias finais para arrasar coma nos velhos tempos.

A celebraçom por todo o alto malia a ser domingo rematou a altas horas, cousa que tem que fazer pensar aos organizadores do aberto no erro cometido para futuras ediçons. / Contacto LNB Bergantiños>>  695.446713 - martin-leonado@hotmail.com