O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

quarta-feira, setembro 08, 2010

A SERPE MULTICOR DA LNB SUMÉRXESE NA LAGOA DE COSPETO NA BÚSQUEDA DAS MÍTICAS RÁS DA TERRA CHÁ!!

Cos motores rumbando en tódalas conferencias a serpe multicor da LNB torce a ollada ista find cara á fronte primaria da Conferencia Mae do NorLeste , por iso dende boca do furacán billardeiro anuncian xuntanza de equipos para iste xoves no Resturante Asador de barreiros apartir das 20 h, establecer as dinámicas de acción dunha conferencia a Norleste que ista tempada está disposta a chegar a Conxo para facer pleno absoluto de títulos nacionais incluido os premios de disfraces , mister Palán e Miss Varado. E como con palabras non se conseguen os títulos senón que son os feitos e suores dunha tempada os que marcan a ruta , iste sábado en Cospeito haberá unha poderosa intervención billardira nunha vila aínda virxe da terra cha , falamos de Cospeito e ás 17 h no campo da festa da feira do monte realizarase o explosivo I Aberto da Rá de Cospeito , inscripción e contacto directo>> aacarballeira@gmail.com / 659.749388 / 649.325103

E como non podia ser doutro xeito lanzamos unhas pinceladas para apoiar ise berro e isa acción billardeiroa que consiste en que con cada Aberto poidamos coñecer mellor e descubrir o maravilloso país no que habitamos e sobrevivimos , outro turismo tamèn é posíbel, Tod@s á lagoa , tod@s a Costeito!!

A lagoa de Cospeito é un humedal permanente situado no concello de Cospeito, e é unha das lagoas máis importantes de Galicia. Está situada a uns 25 km da capital

provincial, Lugo.

Englobada dentro da Reserva da Biosfera Terras do Miño, é un dos ecosistemas hídricos máis importantes do noroeste da península. As súas augas proveñen do río Guisande, afluente do Miño.

Tempo atrás existían 2 lagoas que ocupaban unha extensión de 73,75 hectáreas, pero a meirande parte deste territorio foi desecado na década dos 60 para darlle un uso meramente agrícola.

Neste humedal existen aves coma avefrías, ánade silbón, ánade real, cercetas, galiñas de auga ou grúas, anfibios coma ras, tritóns, ou píntegas, peixes coma troitas, e mamíferos coma ourizos ou esquíos.

Con respecto da flora constitúese principalmente de vexetación de ribeira coma carballos ou bidueiros, existindo tamén especies insólitas com

a o Eryngium viviparum.

CASA LATINO , XANTAR DA TERRA CHA E DA LAGOA EN MUIMENTA!!



"Queremos facer de Casa Latino un lugar onde se poida xantar ben e degustar unha boa comida elaborada con produtos tradicionais, todo nun ambiente de tranquilidade». Esta é a filosofía de
Manuel Ángel Rodríguez Fontao, propietario da citada casa de comidas de Muimenta, con dous pratos estrela : O Terra Chá e O lagoa de Cospeito. O prezo é o mesmo para cada un: 14 euros. Os dos menús comparten o pan -da panadería de Muimenta, por suposto-, a bebida, o café (de pota-madre) e a queimada, con conxuro incluido.

O Terra Chá leva revolto de grelos Obenfield con xamón e ovos (de Casa Latino); polo campeiro (tamén da casa) con patacas á festa da Terra Chá, e de postre, filloas (de Muimenta, como non).

Para o Menú lagoa de Cospeito os pratos elexidos son: unhas troitas do Miño, unha carne de tenreia da serra de O Xistral, e quiexo de San Simón con membriño. Naturralmente atopamos unha gran eiva que é a falta das tan delicioas e saborosas ancas de rá da lagoa polo que un xeito de tentar subsanar isto é pasarse polo Latino para esixir que iste manxar sexa incorporado urxentemente no menú da Lagoa de Cospeito xa....

6 Comments:

Postar um comentário

<< Home