O APALPADOR INVADE OS KIOSKES E LIBRARÍAS DO PAÍS.... E ISTE DOMINGO AS PISTAS DA LNB!!

Todo preparado para iste domingo 20 o Apalpador invada as tres pistas das conferencias LNB para agasallar coa súa espectacular presenza a toda a indomábel tribo LNB , toma nota, a apartires das 16h . Aberto do Apalpador na Conf. Centro, en Mos na Conf. Sur desputa do Aberto da Galiña de Mos e na Conf. Mater desputa do mítico Aberto do Galo en Ribadeo. Pero parella á invasión do Apalpador das pistas LNB vai a súa brutal invasión nos kioskes e librarías dos irmáns de Novas da Galiza que cooditan ista maxistral obra ilustrada por Leandro Lamas titulada O Conto do Apalpador.

Co-editado por Edições da Galiza e a editora do Novas da Galiza 'A Fenda Editorial', o Conto do Apalpador está a chegar estes dias às principais livrarias e centros sociais do País. Com formato clássico infanto-juvenil, este livro de apresentaçom mui cuidada nasce com a vontade de contar a autêntica história do Apalpador, tal como foi recuperada por José André Lôpez Gonçález e divulgada pola Gentalha do Pichel há já três anos, baseada na tradiçom oral das serras orientais, principalmente o Courel.

Esta tradiçom, recuperada no limite da sua desapariçom, conta como um gigantom carvoeiro descia das devesas no Natal para apalpar as barrigas das crianças enquanto dormiam, comprovando que estavam bem mantidas, desejando-lhes que continuassem bem alimentadas e deixando-lhes umha presada de castanhas. Trata-se de umha história bem afastada das tendências consumistas promovidas através de outras figuras natalícias, e o Conto do Apalpador leva isso bem em conta: o carvoeiro do Conto nom enche os quartos das crianças de dezenas de objectos sem mais valor que a efémera ilusom desse dia; polo contrário, todo nesta história tem outro valor, o valor do que se fai e nom se compra, o valor do que é necessário e nom supérfluo. Em definitivo, o Conto trata de umha figura realmente alternativa ao mundo gerado em torno do Pai Natal ou dos Reis Mágicos, e nom é umha simples traduçom daqueles nomes.

A história foi escrita por Lua Sende e Alexandre Miguens e desenhada polo pintor que Leandro Lamas, responsável da primeira imagem gráfica que se conhece do carvoeiro. Nela, conta-se a história da pequena Inês e o seu canzinho Rulo, que andam a passear à procura de algo de proveito para levarem à boca, seguidos polos trasnos e as trasnas do bosque, que tenhem a missom de observar as crianças para depois contarem ao Apalpador, encarregado de dar os presentes polo Natal, se se portam bem.

Parte dos lucros da sua venda irám destinados à protecçom da infáncia e à conservaçom dos bosques autóctones galegos onde mora esta distraída personagem. O custo do livro é de 12 euros e pode encomendar-se na rede através dos endereços web www.polifona.com ou encomendas@novasgz.com, sítios também acessíveis através página web www.apalpador.net.

DE SALCEDA Ó ABERTO DA GALIÑA DE MOS!!

E coma maxistral estalo que colma o vaso despois do espectacular estreo de Verba de Varal , dende a Conf. Sur Tele-Varal produce de novo o tan agardado e espectacular video do acontecido en Salceda que fai boca antes de que iste domingo o galiñeiro do Sur de revolucione de xeito total coa desputa do Aberto da Galiña de Mos. Mentras a revista Rockdeluxe fai un percorrido polo mundo do videoclip musical e se debuxa un panorama tan cru , Tele-Varal continúa acadando a súa brutal consolidación encamiñando cada video-estalo polo lado máis besta da vida (parafraseando a Albert Pla vía Lou Reed) . E se decides camiñar tamén polo lado máis besta da vida en cuestión de apostas , nas pistas da LNB xa podes cubrir o teu explosivo boleto da Quinibillarda, faite multimillonario da ilusión!!