A TERRA CHA E AS TERRAS DO BIERZO DESPIDEN AGOSTO DESAFIANDO AS TREBAS CO PALÁN E AS BILLARDAS NO AR!!

A LNB dende a súa creacion foi un dos fachos fundamentais para alumear e esnaquizar a longa noite de pedra do entremado socio-deportivo galego que dende o poder se tentou instaurar na conciencia colectiva diste noso país en chamas , así se recolle no espectacular artigo dos irmáns de Pro-oficialidade que maxistralemente repasan a histórica diste noso gran proxecto colectivo que entorno ó deporte da billarda vertebra un entremado de accións e intervencions contra-cultual que fai tremer o esterco nos despachos dos estamentos oficiais. E ise desafío continuo e constante ás trebas e á escuridade será o que ista noite pecha de venres na Pastoriza presida a experiencia brutal do Abertinho dos Toxos na Taberna-Bar O Cruceiro . Coordinado polo indomábel Clube de Anti-fans de Ex-tension Agraria a iso das 23 h. dará arrinque iste Abertinho Nocturno que abrirá o ceo e as mentes dos participantes e asistentes antes do incio da intervencion sonora da banda indixenista cuxo arrinque estará marcado pola litura do incendiario Manifesto Indoxenista por Tonho Randeeira.

E tan só unha horas depois e unha ducia de KM. ó norte do Cruceiro da Pastoriza en Meira celebrarase unha nova edicion das Olimpiadas Rurais donde a billarda de novo cun Aberto apartires das 16-30 h. no parque da vila será un dos pilares básicos diste desafío á podredume monumental que se cociña en Madrid de cara ó 2020.

E simultáneo ó Aberto Anti-olimpico de Meira nas terras do Bierzo iste sábado apartires das 17 h. realizarase o tan desaxado Torneo de Billarda por equipas , será no recinto feiral das Dehesas de Ponferrada donde a LNB ten unha nova cita coa história... porque un outro deporto é posíbel!!

NON NOS MIRES ÚNETE , 6 ABERTOS UNHA CONFERENCIA ...AUTO-ORGANIZA A TÚA RESPOSTA BILLARDEIRA!!

Estanse ultimando os procesos de competicion regular nas diferentes conferencias xa formadas na LNB e naturalmente nistas datas por mor da frenética activiade billardeira nos diferentes puntos do país durante todo o ano pero con mais intensidade se cabe nistes meses de verán, surxe a necesidade de establecer uns baremos mínimos coherentes que non freen senón que ó contrário incendien aínda máis as gañas dos centos palanadores e palanadoras que nos diferentes puntos do páis desexan unirse á gran serpe multicor da LNB dun xeito regular para ser partícipes tamén dista gran revolucion autoxestinada en marcha. É por elo que do senso común surxe a mais que necesaria cifra dos 6 Abertos puntuábeis para que unha conferencia poida considerarse coma tal e poida á súa vez competir nos Play Off Nacionais do ultimo fin de semana de Maio .

Un número e unha idea que xa está no maxín dos activistas da Conferencia Ourense que xa teñen pechada case unha tempada regular con pistoletaxo de saída en Allariz o 28 de setembro no Aberto das Olimpiadas Populares e o 12 de Outubro en Montederramo no marco da festa da Carne. Son a Conf. Ourense ( que artella tamén actuar nas terras do sul lugues )  e a referencial Conf. Andalucía as que máis firme están traballando para que a Manzanilla e o Caña Branca estexan nas mesas do Play Off  Nacional...mais non as únicas a Bergantinhos continúa o seu proceso de formulación e sabemos de mais puntos en fermentacion no páis adiante para dar o paso ó fronte..Non nos miredes , autorganiza túa resposta billardeira , 6 Abertos Unha Conferencia!! 

DENDE O INCIO... TERRA E BILLARDA BRAVA PARA TRONZAR O UNIVERSO ENTEIRO!!

Cando as olladas falan... sobra todo o resto. Poucas veces as facianas alumean máis ca os focos dun esceario , un esceario o do Incio,  que antes do festival acolleu a espectacular entrega de premios , feixadas de emocions incontrolábeis ante sen dúbida , unha das accions historicas da LNB dirixia e perpetrada polo conciserado xa coma "O´PADRINHO DA BILHARDA" , Tonho Randeeira apoiado dende varias conferencias por referenciais activistas LNB coma Ismael Outeiro, Luis Pirucha e Luis Camiña foi quen de armar un brutal suceso de impredecíbeis concecuencias polas terras virxes do sul lugués e non só iso xa que o día antes a unhas ducias de Km. Randeeria debutaba en Anguieiros coma Anti-Conferenciante LNB, un estalo que de seguro se espallará por todos os centos anti-socias do país adiante.

Un aberto o Terra Brava do Incio que fixo resurxir coa forza dun boi ferido a filosofía que anos atrás impulsou o nacemento da LNB , o faino ti mesmo e donde tod@s somos protagonistas e antagonistas dunha mesma revolución en marcha. Espectacular o crónico de Ismael Outeiro , o palanador de Outeiro agarrou o palán no Incio e non o pensa ceibar ate a media noite do vindeiro venres cando despois do Aberto nocturno dos toxos  na Pastoriza agarre a Gadaña para exercer de Gadanheiro LNB  no arrinque da incendiaria intervención sonora do grupo de  Resistentes Galegos chamados Ex-Tension Agraria. Mentras podes ir facendo boca con iste gran micro-crónico do palanador de Carabullo do Aberto Terra Brava do Incio:

Aquí están os tres primeiros clasificados no I Aberto Terra Brava do Incio.

3º. Rami. Dende Monforte, agasallado ademáis con uns paláns e unhas billarda doadas por Luis Pirucha e Ismael. Unha auténtica revelación e revolución no Incio.

2º. Luís Pirucha. Primeiro durante toda a final, ata o último golpe. O mellor compañeiro de organización de abertos caóticos que pode haber no mundo.

Campión. Luis Alfonso Camiña Otero. O fotografo oficial da LNB compartiu premio con Cheli, primeira clasificada das donas. Ademáis un detallazo compartir parte do premio (unha botella de viño Terra Brava) con nos.
A organización do festival portouse xenial con todos os participantes e xa anunciou sobre o escenario o II Aberto Terra Brava para o ano que ben. A LNB está empezando a xermolar polo sur de Lugo.

E un días antes dise tsunami de bravura do Incio , moi preto de Pontevedra , no concello de Poio celebrávase un novo Aberto da xeira de verán dos activista do sul , espectacular imaxe dun talonador LNB xogandose a vida na competicion cun disparo a paus que serve para homenaxear a Mandela . Ogallá que Abertos coma do Poio e desportos coma a billarda coma o rugby na irmá sudáfrica , sirvan para que tamén na Galiza remate o brutal apartheid anti-galego que latexante existe e nos golpexa a cada paso nista nosa puta sociedade anti-indíxexa.

Simultaneamente a Poio , o Coroceiro Nacional , continuaba a súa posta a punto para defensa do título e facíao elexíndo para elo as bravas terras do ferro da Pontenova ,  no marco do festival das Minas celebroutse un novo Aberto de Billarda que desembocou nun pódium presidido por Daniel-Coroceiro Nacional , seguido que Luis Pirucha que quentada a boneca para os terroríficos relatos disa noite a os varados do día seguinte no Incio e no terceiro andar situouse Noé , o bravo palanador da equipa Local da Troitas Bravas . Ámbolos tres roían para a prensa internacional ledos e felices cadanseu  trofeo , un feito que de seguro non poderán repetir no Aberto Nocturno dos Toxos diste vindeiro venres na Taberna-Bar O Cruceiroda Pastoriza  se non queren rematar ensanguentados camiño de urxencias...Billarda Sempre , alegre a combativa!!

AS ALGARADAS BRAVÚS IMPUSAN UNHA NOVA FIND. DE INFARTO BILLARDEIRO!!

A voráxime dunha nova find. billardeira arrinca na cabina de Dj do Pub Rockuncho de Ribadeo donde Lucas Gz, o gran palanador dos Remourelle Bulls e activista LNB protagoniza unha gran revisió

n sonora que vai dende os inicios dos 90 co estourido bravú ate a máis raibosa actualidade da música galega  nos nosos días. Nunha man o palán e noutra o vinilo , cd. mp3 ou cubata para liberarnos dunha puta vez do xugo sonoro.colonial que ate istas alturas do século 21 segue a sacudir os nosos ouvidos, a cita aparitres das 00:30 horas, ide preparados para a chuvia de ritmos sincopados e ösos de churrasco..

E sen deitarte incluso a tan só un par de dúcias de km. do Rockuncho podes a iso das 15 h, do sábado desfrutar na Pontenova dunha nova edición do Aberto de Billarda do Festival das Minas coordiando pola referencial equipa das Troitas Bravas. E se segues con morriña bravú dende logo que debes quedarte ate a noite que será cando entre os grupos que invadan o esceario estarán os resucitados Caimán do Río Tea, impresonante elección dos programadores diste festival que apostan por pasear zombis polo esceario rexeitando o rock indinista do século 21 cuxo zulo está a tan só uns kilómetros da pista de xogo....Billarda Sempre e ogallá que á lavadora non lle revente a resistencia!!

E un dos puntos que dende iste sábado van estar marcados tamén a ferro quente no mapa da LNB vai ser a poderosa parroquia de Angueiros no concello de Quiroga que organizar unha espectacular Merenda Concerto con Bolos celtas e Billarda que vai contar unha guinda indixenista que vai eclipsar todos o resto de activiades que se produzan a isa hora e a máis de 1000km . á redonda. Falamos do incendiario debú do Anti-Conferenciante da LNB Tonho Randeeira que vai impartir antes do incio do Aberto de Angueiros unha espectacular master-class billardeira sobre o inicio, presente e futuro da LNB. E de seguro que isto non vai quedar en Angueiros senón que as Master Class LNB de Tonho Randeeira amiazan con espallarse por bares , centros sociais , centros de ensino ou penitenciarios do país enteiro   -Anti-conferencianteLNB: 687.055065

E tirando máis para o sul moi preto de Pontevedra no concello de Poio apartires das 17:30 h. vaise desputar un novo Aberto de Verán , mellor vestir a espectacular liña de camisetas que Ex-Tension Agraria que as chaquetas de lá que os miserábeis dos Heredeiros da Crus sacarán a relucir iste mesmo sábado no concerto de Culleredo en compaña dos referencias Padriños do Rock Galego....

E para rematar a find. nada mellor que iste domingo se aínda che queda alento tirarse cara O Incio donde o festival Terra Brava dispara unha nova entrega cun espectacular cartaz e cun Aberto previo de Billarda coordiando por tres dos pilares básicos do rexurdir indixenista na Galiza , na Billarda e nas Artes. Tonho Randeeira , Ismael Outeiro e Luis Pirucha estarán alí co palán e a ollada firme e rexa apostando por un futuro vermello e billardeiro no sur lugués . A cita apartires das 18:30 h!!

UNHA MATRIA , UN DESPORTO , UNHA LOITA ....E UNHA ÚNICA BANDEIRA!!

Alebrestradas e impactantes imaxes capturadas en Begonde durante a celebración do explosivo Festival de 27375 . alí estiveron os indomábeis activistas LNB realizando un incendiario Aberto cuxas lapas saltaron ó esceario alimentado un xa próximo mencer vermello e billardeiro...

Poucas banderas se poden abrazar xa sen medo a lixarse ...sen dúbida a da LNB é unha delas , así o demostrou Bocixa durante a brutal actuacion de Zënzar en Begonte e así o certifica a actuación de cada unha das palanadoras , palanadores e Conferencias nistes anos de intensa andaina polo país adiante...e atencion porque A Pontenova , Angueiros en Quiroga , O Incio no festival Terra Brava serán algunhas das próximas paradas billardeiro-festivaleiras ó carón da Pastoriza e do posíbel chimpo ó outro lado da ponte dos Santos.

AS TORTILLAS DO TOXO VERDE E A BRISA DO ATLANTICO ...ALUMEAN AS MINAS DA PONTENOVA!!

A tan só uns km. da zoa  de preguerra iste pasado sábado as billardas da LNB desafiando os controis aduaneiros voltaron bruar no xa mitico espazo Gaditano do Toxo Verde , o campo base da referencial Conferencia Anadaluza que a cada paso sorpréndenos máis conquistando sen remedio o noso ser coa súa brutal audácia deportiva e exquisito senso carnelao.

Espectacular mostra da exquisitez curinaria coa que os palanadores e palanadoras da Conferencia Anadaluza se achegaron ó Toxo Verde para desputar o gran Aberto da Vendima que tiña un contrapunto xenial do concurso de Trotillas a imaxe e semelanza do gran estalo gastronómico que anulamente celebra a LNB simultano á desputa do Play Off Nacional .

A mesa do Toxo Verde tremeu cando se pousaron riba dela os espectaculares manxares que ía competir niste concurso que servíu para repor forza despois do esforzo na pista de xogo.

E como non podía ser doutro xeito e segundo informan dende a Conferencia Andaluza no seu referencial e activo facebook : a máis rica: "Campo e mar" de Nacho Otero Jiménez
- mellor presentación: "Chanel" de Chari -  e a máis rara: "Piraña" de Jose Antonio Terrero Loaiza

Un pódium gastronómico que tivo o seu equivelente billardeiro:

1º Jose Antonio Terrero Loaiza
2º Edson Castro
3º Diego 

E na terra tamén iste sábado tivo o seu impacto billardeiro nise fronte ademáis acosado polo turismo máis salvaxe e colonial como son as Rías Baixas , foi en Vilagarcía nun multitudianrio Aberto co que ademáis a LNB se estreaba nisa vila , donde Xan Rodiño conquistou a gloria seguido Camiña e Luis . E atencion porque os paláns e palans e billarda se preparan para iste sábado profundizar na escuridade da Minas da Pontenova...

DO ABERTO DE SAN ROQUE DE VILAGARCÍA Ó TOXO VERDE DE CÁDIZ CO CONCURSO DE TORTILLAS NO ABERTO DA VENDIMA!!

O Can de San Roque non ten rabo mais si que ten palán e billardas ábondo como se vai poder visualizar iste  sábado no bautismo de sangue da LNB na vila de Vilagarcía. Por desgraza noutos punto do páis donde o San Roque ten festexos como é por exemplo Ribadeo non tivemos Aberto mais ogallá que iste gran paso dádo pola serpe multicor en Vilagarcía faiga camiño ó palanear...A cita iste sábado apartires das 17:30 na explanada do Auditorio.

E se estás polo sur da península Ibérica enchendo as alforzas de tabaco de contrabando en Xibraltar para abstercer as necesidades de fume nas pistas da LNB , deixate caer iste sábado tamén polo xa mítico Toxo Verde de Cádiz donde a referencia Conferencia Andaluza dá un novo brutal paso ó fronte coa desputa do Aberto da Vendima..

Un Aberto que ademais da homenaxe a ise imprescindíbel motor billardeiro que é o viño vai ter un espectacular contrapunto Carnelao coa celebracion do I Concurso Billardeiro de Tortillas Billardeiras con tres categorías ( a máis rica. a máis rara e  de mellor presentación) - Brutal , como fomos capaces de estar tanto tempo sen a compaña da referencial e poderosa Conferencia Andaluza?

NO ¨RESTAURANTE QUIROGA¨ DE CASTRO CALDELAS SENTÁRONSE AS BASES DA PRIMEIRA GRAN CONFERENCIA CARNELAO DA LNB!!

Primeiro o orgullo e despois o bandullo , ista máxima que semellaba intocábel dende a orixe dos tempos dande fai uns meses comezou a derrubarse, a brutal  irrupcion en escea de Carneleao, a plataforma pola soberanía alimentar galega, levou por diante mitos obsoletos xa coma iste anteriormente citado e coma ise que afirma que en Ourense non é posíbel unha conferencia LNB...Dende detrás da barra do restaurante Quiroga de Castro Caldelas , O´ble lanza o histórico crónico do Aberto e Cea Carnelo incendiarios e firmes pilares nos que se asenta a inminente Conferencia Ourense da LNB_

As 20:00 medio cento de palanadores de castro caldelas, san xoan de rio, trives e montederramo reunironse no bar quiroga e tras un obradoiro de fabricacion de billardas e palans a xente desplazouse ao prado cercano para comezalo aberto.

Un sistema de grupos de 4 no que pasaban os 2 primeiros a seguinte ronda fixo avanzar a uns palanadores e a outros ir quedando eliminados.

Angel de San Xoan de Rio foi o unico palanador que fixo un varado levando o seu merecido premio carnelao.

A final chegaron jose de san xulian (castro caldelas) e alejandro e alberto de san xurxo (san xoan de rio). Alejandro cunha gran saida situouse a escasos metros do varal complicando aos seus rivais.

Alberto non aguantou a presion e quedou rezagado pero jose cun gran tiro quedou a escasos metros de alejandro pero a alejandro non lle temblou o pulso e ganhou o aberto. A entrega de premios foi no bar quiroga trala cea carnelao.

O martes 13 pasara a historia como o dia no que se sentaron as bases da conferencia ourense.

SE ES DA LNB ...CONSUME SÓ MARCAS E MÚSICAS CARNELAO!!

Cando ó común dos mortais cando se fala de etiquetaxe automaticamente lle ven á mente a podredume das redes sociais , iste martes e 13 no Restaurante Quiroga de Castro Caldelas , a cara máis perigosa da moeda saíu de novo a relocer  no contexto brutal da entrega de premios do Aberto Carnelao de Billarda . A nosa história fecémola nós e con ela as etiquetaxes dos nosos productos que consuminos , fóra das pistas da LNB as bioinvasions de productos alleos ...consume só marcas Carnelao ou senón pagaralo coa salú!!

A espectacular botella de licor café e o impoñente bastón de mando Carnelao saíron a rolocer na gran esntrega de premios posteiror á Cea , só se botou de menos a presenza de Lucas Galiza , o  gran Dj Carnelao para por o gran colofón á gran festa que arrincou no lusco e fusco co Aberto seminal e billarda...

Un dj Carnelao que realizará o seu debú o vindeiro venres 23 na gran festa no Rockuncho de Ribadeu , un espazo mítico que víu nacer incendiarios proxectos indixenistas coma o de Ex-Tension Agraria....Faite Carnelo , Mata ó xabarín!! 

CASTRO CALDELAS - MARTES 13 DO 8 DE 2013...UN SITIO E UNHA DATA DESTINADOS A PASAR Á HISTÓRIA DA LNB!!

Co espírito dos grandes pioneir@s , abandoando as palabras e abrazando os feitos así formularon Xosé Miguel e o responsábel do Restaurante Quiroga a brutal ecuación que ista noitiña fixo tremer a terra , máis de medio cento de palanadores chagados apropósito para o Aberto dende varios puntos do univeroso ourense con fame Carnelao e moito interese porque ista accion non fique nun oasis transformou a Cea Carnelao do Quiroga no punto clave para a confuguracion dunha estructura estábel na Ouriense. Alex de San Xurxo foi o vencedor do Aberto e foi para a mesa cun lote de productos Canelao que compartíu cos seus rivais , iste sabado hai festa na súia parroquia...e xa se confirmou a celebracion do Aberto de Billarda...un outro deporte e unha outra conferencia é posíbel!!

ISTA NOITIÑA AFÍA OS DENTES E AS BILLARDAS E TOD@S A CASTRO CALDELAS!!

Martes e 13 , día clave na conxura dos astros da mala sorte ...e día clave no eixo do mal que xuntará en Castro Caldelas fronte a unha mesma mesa e baixo un mesmo ceo a palandores, palanadoras e activistas Carnelao. A accion arrinca ás 20 h. diante do Restaurante Quiroga co Aberto de Billarda  e seguirá cunha Cea de irmandade Carenalo de impredecíbeis consecuencias. Contacto: 627.780891

BEGONTE ...UN INCENDIARIO BELÉN BILLARDEIRO!!

Sobran as palabras para definir o bautismo de sangue da LNB en Begonte , Carlinhos Gende foi o gran vencedor do Aberto pero máis aló dos vencedor@s en Sabucedo, Cha , Dena ou Begonte o que importa é que a gran serpe multicor móvese cara a cima ou o precipicio ...iso non se sabe mais o importante é que se move e faino a toda ostia levando por diante todo o que se atopa ó seu paso . E iste martes se estás en Castro Caldelas nen te cases nen te embarques mais  nen se che ocorra non coller o palán e o coitelo para o Aberto e explosiva Cea Carnelao na noitiña no restaurante Quiroga!!

SABUCEDO , BEGONTE , DENA E BUEU...DESFRUTA DUNHA FIND. DE FESTA, CARNELAO , INDIXENISMO E BILLARDA!!

Coma un garañon desbocado en busca de pelexa ...así chegou Paulo á terra , o pulmón do proxecto de inditrónika indíxena galega " Montouto Sound machine" exiliad na meseta por motivos laborais ´é o impulsor diste gran Abertop de Billarda que suporá o bautismo de sangue nun espazo mítico como é Sabucedo . Se estás farto da lamentábel dimensión circense e mercantil da actual Rapas das Bestas iste sábado apartires das 18 h. no Campo do Medio de Sabucedo tes unha cita coa LNB para abrazar á auténtica dimensión da Rapa na súa brutal esencia toda ...e moito ollo porque dependendo como déa o aberto podes saír esquialdo e amencer pola mañá coa marca do ferro quente nalgunha parte do teu corpo. Contacto >> 665.602142

E donde as bestas bravas van atopar o seu espazo vai ser na incendiario e impredecíbel bautismo de sangue billardeiro en Begonde, as autoridades locais diste concello Lugués non se imaxina nen de lonxe o que iste sábado pola tarlle lles ven enriba, co foco enfocando ó esceario do festival 27373 as verdadeiras ostilidades indixenistas producirantes un pouco antes , cando apartires das 17 h. o Aberto de Billarda Carnelao bote a andar coordiando por dous dos activistas LNB con maior perigo en cada un dos seus disparos . Tonho Randeeira e Serxio serán os Batman e Robin que dirixan isa carroceta sen freos polo Castiñeiro Milenario. Contacto: 687.055065

E simultaneo ás accions lóstrego polo norte e polo centro o sul tamén acende a chama billardeira , no Salnés o sábado será en Dena no Aberto dos Pasales apartires das 17 h...

e ó día seguinte na franxa horaria e xeográfica das Rías Baixas , o domingo , coma gran guinda ó pastel da find. nun dos epicentros da Conf. Sur . Bueu, celebrarase apartires das 17 h. un de seguro multitudiario Aberto coordiando polo referenciais Corredoiras - Contra a canícula do imperialismo...música galega , carnelao, indixenismo e billarda!!

FACHENDA GALEGA .... XOGA Á BILLARDA E LANZA O TEU DNI O MÁIS LONXE POSÍBEL!!

As múltiples facianas dos activistas billardeiro-musicais non deixan de sorprendernos despois de ver ó alama mater de Fachenda Galega pouco menos que sodomizar o seu palán e a súa guitarra nas festas indixenistas da Taberna da Cancela coma colofón do Xerro do Salnés asoma istes días á rede cunha impactante intervencion sonora acompañando á espectacular voz de Tania M. Fandiño cuxa combinacion de ambos sobre o esceario enche de calidez e sensibilidade o corazón da máis salvaxe das bestas bravas .



Un palanador dos referenciais ·"case lle din" que de seguro ó igual ca moitos dos outros gostarían de estar tamén na espectacular proba de lanzamento de DNI que se celebrou en Tavérnoles , unha especialidade que  impulsada polos irmáns da Asemble Nacional Catalana arrasa en catalonia cun novo record nacional  situado en 27,54 m e que da man da LNB prepara xa a súa priemira gran tirada na Galiza , nista find de infarto no Aberto do festival 27373 Begonte , no Aberto de Sabucedo , no Aberto de Chans...e nos que vaian surxundo debaixo das pedras , palanadores e palanadoras van ir quientando a boneca para o gran torneo de lanzamento de DNI español nas pistas da LNB, non hai mellor preparacion que mentras se agarda o turno de carreira quentar os músculos arrebolando o mais lonxe posíbel o DNI para deixarlle sitio á tua única identidade indíxena...Billarda Sempre , Adiante co Cané de identidade LNB!! 

OURENSE ...A CALMA TENSA ANTESALA DO GRAN ESTOURIDO BILLARDEIRO!!

A antesala da tempestade sempre é a calma , isa calma tensa desacougante e tenebrosa que fai que todos os músculos do noso corpo se tensen na espera do desenrolo fatal dos acontecementos. Isto é o que está a aconteces istas días no univeroso ourense , isa espazo da terra okupado temporalmente polos dous homes mais ricos do mundo cuxas xentes de ben se preparan para iste vindeiro Martes 13 en Castro Caldelas consumar a brutal canfurnada pola soberanía desportiva e alimentar. Martes nen te cases nen te embarques , mais si é un bo día para coller o palán e afiar os dentes para unha boa paparota na que as berzas e a leiruta serán só un pesadelo transitorio. Na esplanada do restaurante Quiroga é a quedada para apartires das 20 h.as billardas da LNB comecen a bruar na procura do varal e os palanadores e palanadoras faigan sitio para a iso das 22 h. sentarse fronte ó prato para desfrutar dunha gran cea Carnelao . Todo iste brutal condimento condensado nun alebrestrado cartaz anunciador fai que por primira vez na história emerxa nun contexto billardeiro a figura dise ser homnipresente na provincia , a Deputacion Provincial de Ourense ... benvidos e moitas grazas por iste grsndísimo apoio á liberacion desportiva e alimentar!!

Ourense . é case coma os Estados Unidos no contexto futbolístico , durante a tempada non dan sinais de vida pero no verán todas as equipas van para aló na procura do son das moedas ou do cheiro dos billetes , así sen sairmos do marco da deputacion ourensá ,  no concello de Allaríz , célebre polo boi e polos tan nefastos dirixentes deu a iste país , o sábado 17 de agosto terá lugar unha edicion máis do seu compionato local de billarda , unha boa ocasion para coñecer a súa normativa e xeito de expresion billardeira , iso si , se gostas de madrugar ou de non deitarte xa que a hora anunciada para o inicio das ostilidades é as 9 h. da mañá para a categoría senior e as 11 h para infantil e xuvenil. Dirixíndote ó concello de Allariz podes recibir toda a info necesaria para paricipares niste torneo.

E no extremo sul , nas terras de Al Anadalus iste sábado celebrouse o agardadísimo Trofeo Carranza de Billarda organizado pola Conferenai Andalucía , no seu referencial web-blog xa anunciarion o pódium que sitou a Toñito no máis alto , seguido de Sito e Tuco . Estamos á espera no seu espazo facebook de ver algunha imaxes de tan imortante evento antesala dos preparativos da súa tempada regular que ista edicion agardan susperar o mínimo dos 6 Abertos puntuábeis , núemero co cal unha conferencia pode enviar os seus clasificados ó Play Off Nacional....Non imos parar ate xogar en todas partes!!

PUTIN , FEIJÓO , RAJOY , MERKEL....FREE BILHARDA , FREE PUSSY RIOT!!!

Son varias xa as Conferencia da LNB que xa están organizando os seus calendarios de competición para ista nova e de seguro impactante nova tempada regular do noso deporte nacional que desembocará no encorozamento na derradeira semana de maio dun palanador ou palanadora coma campión absoluto da LNB. Establemos pois as paradas da grande serpe pulicor da LNB nas diferentes prazas e espazos en vilas , aldeas e cidades do noso país , as pistas da LNB convérteranse nisa incontrolábel ola a presion allea ós controis policiais e ás restirccion sociais polo que agora máis ca nunca é necesaria ámplicifar a nosa forza para que cada Aberto sexa un referente no ambito no que se desenrole , debemos sorprender e sorprendernos en cada acción facendo así visíbel o noso gran proxecto deportivo-socio-cultural , unha bomba e reloxeiría que ten que estoruar en cada pista e concello ó igual a o berro punk e indíxena slavo das irmáns Pussy Riot  na catedral do Cristo salvador de Moscu...Free Bilharda, Free Pussy Riot!!