O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

quinta-feira, novembro 27, 2008

A CACHIZA RACHA O BOIKOTE Á LNB NAS ESCOLAS GALEGAS INVADINDO O CEIP ABELENDO DE MOAÑA!!

Mentras se apretan os puños para facer soar as ferriñas e acompañar co seu trepidante son o alento das bestas bravas no VI enconto de pandeiretas galego asturianas a celebrar ista find en Sabucedo A Estrada donde vai estar Xuaco , gaiteiro oficial da selección asturiana do Liriu e militante dos recén creados ESPOR[A] , que chega disposto a asumir o reto lanzado pola LNB para todo aquel que se atreva a trocar os pandeiros de Mao e os punteiros polos paláns de billarda para tranladar o pulso daquel mítico Trofeo MaCallan entre orgullosos gaiteiros galegos e asturianos das terras bretonas ó campo da festa de Sabucedo [ 645863915 / espordasturies@gmail.com ]

CACHIZAS NO CEIP ABELENDO DE MOAÑA: "Sobraron case todas as castañas, os nenos so querían xogar a cachiza..."

Mergúllate no espectacular crónico e no foto-varal da inmersión billardeira chegados directamento dende o CEIP ABELENDO DE MOAÑA que leva a sinatura do grande Xosé Miguel aborixe das terras do sur que da man do seu compañeiro , O Mestre Odilio amosan ós cativos de Moaña a gran riqueza da Cachisa que o imperialismo deportivo lle nefou ás xeracións anteriores . Ponte en contacto coas Conferencias da LNB e fai coma o Mestre Odilio que as CachiZas volten ás aulas, Billarda asignatura obrigatoria en todas as escolas da Galiza xa!!


A billarda volveu ser o centro de atención en Moaña, desta volta o CEIP Abelendo, da man do mestre Odilo, organizaron unha xornada de billarda no centro coincidindo co magosto. O poder da billarda, mais coñecida como Cachiza nas terras moañesas, parece no ter fin e ser un vieiro sen marcha atrás cara a oficialidade do deporte. Quen sabe se en "London 2012" haberá palanadores galegos dispostos a loitar para que a medalla de ouro veña pra Galiza. A billarda cada vez abrangue mais espazos da vida galega.


Sorprende o caso deste colexio moañés, que pra celebrar o seu magosto organizou unha xornada de xogos populares nas que coma non, non podía faltar a LNB que alí fixo a súa presencia. O avó dun dos rapaces estivo relatando historias da cachiza en Moaña, de como se xogaba, de curiosidades do xogo e de experiencias persoais xogando. Tras estos relatos, os rapaces abraiados tomaron contacto coas billardas para comezar a xogar. Pouco a pouco foron refinando a técnica. Aos poucos minutos de comezar a xogar tódolos rapaces sen excepción estaban cos paláns e as billardas facendo país. Os organizadores do xogo da chave non tiñan nada que facer, xa que os rapaces que foran a xogar a chave pronto abandoaron ese xogo pola billarda.


Chegou o final dos xogos é era tempo de castañas e os nenos seguían xogando a billarda. En palabras de Odilo : "Sobraron case todas as castañas, os nenos so querían xogar a cachiza, os chamabamos pra que viñeran comer as castañas e nada, non querían vir, so coa cachiza". Rematou a xornada coas felicitacións dos mestres do CEIP Abelendo a LNB e asegurando que a LNB tiñas sitio asegurado no Colexio para futuros anos.


Agora saltan as dúbidas, coa ilusión dos rapaces ven se poderían organizar equipos de billarda nos centros e facer ligas entre eles. Todo o mundo que escoita a proposta dice que é xenial, tanto mestres coma alumnos. Agora ben, por qué esto non acontece? que temerán as autoridades da Xunta pra boicotear a billarda? por que intentarán os gobernantes silenciar esta revolución? por que se gastan miles de millóns en outros deportes elitistas nos que so pode xogar parte da poboación e se negan a dar un céntimo para este deporte galego? Tantas preguntas sen resposta....

quarta-feira, novembro 26, 2008

NACE ESPOR[A] !! ESTOUPA A REVOLUCIÓN EN ASTURIES..... QUE ISTA FIND INVADE SABUCEDO!!

Anunciabamolo fai unhas horas e os acontacementos precipitáronse dunha maneira xa imparábel , esporas vermellas que fecundan os prados de vida e lirius, iste pasado martes , Carlos Suari subía ó ring de Acuto a un representante da emerxente Llucha Baltu no país asturiano, e hoxe mutado nise aloitador embravecido revólvese furioso na loita para comunicarnos que bota a andar unha nova franquicia do deporte do Liriu, Nace ESPOR[A] , con sede en Uvieu ven a acompalar na encarnizada Llucha Baltu ós equipos de Asturliriu ( Las Barzanas-castrillón) e a Kirinal Liriu Sport (Avilés) as dúas históricas franquicias asturiannas que reciben orgullosas o alento das esporas vermellas .



E Atención porque ESPOR[A] vai facer a súa presentación oficial en país galego , concretamento iste sábado no VI Encontro de Pandereia Galego-Asturiana da Estrada vai estar Xuacu , un dos membros de ESPOR[A] que xunto co pandeiro de Mao e a gaita vai carrexar Lirius e Machetas por se algún galego se atreve a desafiar a carreiras a iste bravo músico- machetador asturiano , coma nos campos de Bretoña, donde a LNB naceu , ESPOR[A] arrinca a súa andaina tamén ó caron dos garañóns de Sabucedo selando coma o ferro quente na pel das bestas bravas a súa militancia a proba de bombas na loita pola dignificación diste noso deporte. Lanzamos pois o gran reto , ó igual que en Lorient gaiteiros asturianos e galegos se enfrontan no trofeo McCrimmom , retamos o inicio do Trofeo MaCallan de Liriu·Billarda para todo aquel que estando no encontro de pandeiros se anime a desafiar a Varados a Xuacu e cia, dende Sabucedo a Lorient .....Liga Celta de Billarda xa!!

Contacto ASPOR[A] no encontro de pandeiros de Sabucedo: Xuacu / 64586391 / espordasturies@gmail.com


terça-feira, novembro 25, 2008

CONSTRUÍNDO AS VIAS CARA Ó RECOÑECEMENTO OFICIAL E INTERNACIONAL!!

Librada a gran tempestade represiva , queremos felicitar a todos os membros da LNB por manter a firmeza e a dignidade fronte a todos os ataques sufridos dende os máis variados frontes, nen un paso atrás nen para coller impulso, isa é o imprescindíbel lema que a LNB toma ó pé da letra. E Atención porque se o exercito de billardas indomábeis se afianza imparábel en cada aldea , parroquia, vila e cidade do noso territorio , a expansión internecional é o gran reto que xa está chamando á porta. Tod@s coñecemos o impacto e a irmandade a proba de balas cos nosos irmáns de Deutchland que están preparando o terreo para o asalto da Auténtica en terras teutonas e atención porque Asturies consolida a pasos axigantados a súa proposta con , de seguro saborosas sorpresas a moi corto prazo, e se falamos de Asturies é imposíbel non falar do Copo Cantábrico , atención a iste fronte porque en Euskal Herria continúa a medrar de xeito axigantados a febre da txirikila , das montañas alavesas ós frontóns de Pasaia a txirikila a cobadazos pide paso para okupar tamén as rúa da fervente Orereta. Preparade as motxilas porque algo moi grande se coce e se xa tiñamos novas que Xenebra xa practica intensamente animada polo xa ídolo de masas Paco Gallego, atención porque en Ljubljana , na capital slovena a LNB xa mentén contacto cunha célula estábel que fixo posíbel os primeiros contactos cos irmáns da Federación Slovena do Pandolo , denominación niste pequeno gran país valcánico do deporte da billarda. A LNB constúe as vías atrevesando silveiras e valados cara a un recoñecemento oficial e internacional de deporte da billarda. ADIANTE COA REVOLUCIÓN BILLARDEIRA !!!

domingo, novembro 23, 2008

OS ROXÓNS E AS BILLARDAS DE AMES DESAFÍAN O PODER DUNHA TARDE DE GOLES NA RG!!

Espectacular e inesperada resurección do VARALMORSE , se aínda vos estades recuperando da histórica emisión dende un zulo luso no seguimento milimétrico da Auténtica no seu desafío da II CopA CantábricA , podes sentir akí a irrupción informativa da VaraMorse no Galiza en Goles da Radio-Galega do sábado para informar ó pais do resultado no explosivo desafío billardeiro entre as seleccións do Pino e o Estornela dream-team no Torneo Roxóns de Billarda celebrado no concello de Ames. especial mención á poderosa aportación da equipa do Pino que chegou para suplir a uns indispostos Mesón Marcos de Bertamiráns. Pon a orella e sinte a tremenda pegada sonora do Varalmorse!!

sexta-feira, novembro 21, 2008

ESTORMELAS E ROXÓNS CONVERTEN AMES NA CAPITAL BILLARDEIRA DISTA FIND !!


I TORNEO DOS ROXÓNS DE BILLARDA
AMES: ROXÓNS POLA OFICIALIDADE!!


sábado 22 ás 12 h / PISTA DE AMES

SELECCIÓN DE AMES

( MESON MARCOS)

Vs

ESTORNELA DREAM TEAM

( membros da asociación xogos tradicionais compostela)

contacto: 606.967863 / xaquín

POLA TARDE , AS 16 H, CAMPIONATO DE CHAVE DAS MISMAS SELECCIONS

Espectacular impulso cara a conquista da oficialidade do noso deporte da Billarda, debaixo de cada pedra unha billarda indomable e debaixo de cada plato de roxóns unha estórnela brava desafiando as leis da gravidade. Iso é o que vai acontacer ista sábado 22 apartires das 12 h no concello de Ames, nunha pista ó ar libre dous equipos formados por palandores e palandoras da área de Compostela van unirse á tribu LNB rillando roxóns e golpexando nas bilardas.

Se queres unirte á festa pásate iste sábado por Ames e apoia a oficialidade comendo uns Roxóns xa que os equipos están completos pero é o intre perfecto para coñecer á xente do Mesón Marcos de Bertamiráns , mítico centro de conservación do noso deporte durante os anos escuros que agora entran de xeito pleno con iste espectacular I Torneo do Roxóns de Billarda a formar parte da revolución LNB. E como os roxóns vanche dar forza, pola tarde a iso das 16 h no mesmo lugar Torneo de Chave , perfecto adestramento para á noite sentirte xurásico e pasarte por xunto dos irmáns da Asociación Xurásica do Castiñeiriño en Compostela D.C , cun cartel perfecto para rebaixar os roxóns suando con Pollegros e Zairus , istes últimos, militantes veganos e billardeiros que te transportarán co seu espetacular hardcore psicodélico cara ó sempre perigoso inferno interior de cada un.

A CANCEIRA EPISODIO-2

E se vos aburrides podedes botar uns risos voltando a sentir novos ladridos do federiquito de la costa niste seu novo episodio acusacións contra A AUTÉNTICA, semella que o seu ton de voz xa non é aquel amable que anunciaba na megafonía polas rúas de Ribadeo o play off de Conferencia, encántanos ver como dende isa emisora bucean niste pozo mouro dixital para buscar pegadas dactilares. SEMPRE COA ESTRELEIRA, ADIANTE A AUTÉNTICA!!


quinta-feira, novembro 20, 2008

CONEXIÓN FURABOLOS , DENDE PONTECARREIRA GOLPEXOS CARA Á OFICIALIDADE!!



Nova e espectacular emisión de TELE-VARAL dende o NorOeste, conferencia ista que marca o ritmo da competición indo xa no 4º asalto realizado nas terras dos Furabolos , que con Xosé Antón á cabeza son os protagonistas dista trepidante conexión cun ateigado pavillón de Pontecarreira ( atención porque sabemos que hai franqucias da LNB interesadas na contratación de Manolo, unha das grandes estrelas dos Furabolos). Vestido para a ocasión Serxio , apresenta á franquicia aborixe e coma un Usain Bolt do audiovisual alternativo que é pasa o relevo de micro a un explosivo Jonny que mutado no mítico Asafa Powell remata a xogada dos últimos 100 metros de conexión cunha trepidante locución para quedar logo no magosto do carón da pista de xogo. KuKuRuKuKU Paloma ... e a loita continúa!!

ATENCIÓN , NOTAS IMPORTANTES:

-A LNB retira , por mor da confusión xerada, a campaña de recollida de fichas da Web , continuando coma ate agora, co censo de palandores e palandoras en competición para termos a final de tempada unha lista real dos deportistas que practicamos iste deporte, requisito esencial para a constitución da futura Federación Galega de Billarda.

Do mesmo xeito que animamos a todos os que se queiran seguir unindo á loita pola oficialidade a seguir póndose en contacto xa que cando se levante unha pedra en cada comarca, concello ou parroquia do país a LNB quere estar presente!!


-A Plataforma de Xestión da Auténtica (PxA) quere facer tamén un chamamanto á calma despois dos ataques recibidos dende a CADEA COPE en boca dos seus locutores da emisora Ribadense e do portavoz do PSOE no concello, Balvino Pérez Vacas, PODES SENTILOS LADRAR AKÍ!! , pola utilización de bandeiras supostamente non oficiais no cartaz do Galiza-Deutschland e no posterior partido . A PxA despois de falar coa concellalía de deportes da vila respalda plenamente a xestión dista na argumentación da defensa e amosa o seu total respaldo á xestión da mesma.

Queremos pensar que ista nova agresión á acción da LNB sexa a última guinda do pastel represivo e a partir de agora poidamos seguir desfutando ceibos de cadeas e torturas do noso deporte da billarda , é un feito que a acción da LNB fai regañar os dentes a moitos cans pero podemos estar tranquilos que xa se sabe , cans ladradores pouco mordedores........ polo que, agora máis ca nunca ADIANTE A AUTÉNTICA!!

quarta-feira, novembro 19, 2008

ESPECTACULAR RETORNO DO GOLPE EN VILALBA , VOLTA O MESTRE DO DOGMA BILLARDEIRO ÁS PANTALLAS!!

A escasos km da Recadeira, parroquia mindoniense donde foi apreixado polo seprona Pitiño , o lobo manso separado pola forza do seu fogar, voltou o Golpe nun espectacular formato dogma , sen mesas , nen sillas nen os focos do antigo estudio para homenaxear a Pitiño botándose ó monte acompañado de Xosé Cancelo, o representante da LNB na Terra Cha Luguesa que falou para TELE-VARAL nunha psicodélica entrevista que derivou nunha sentida petición de mellora para o golfista Severiano Ballesteros. Chamádelle curandeiros ou o que queirades pero ontes Seve sufríu unha espectacular mellora, é por tanto que se queres curar achégate á consulta dos meigos da LNB , e se queres un volante aquí tes o contacto con Xosé [ xvcancelo@hotmail.com ] xa que Pepe foi un dos que deu a cara e o nome para apoiar coas súas curas e as fregas á revolución LNB. En cada comarca , en cada vila , en cada aldea fai coma Xosé a milita sen medo na LNB , manda a túa ficha co teu nome , d.i, concello e contacto e que fai que volten bruar as billardas!!

terça-feira, novembro 18, 2008

- NON PASA NADA PERO AÍNDA PODE PASAR, SINTE O EXTREMECEDOR RELATO!!

Espectacular revoltallo ,- non pasa nada pero aínda pode pasar, istas foron as verbas coas que os axentes de policía baixaron do coche a Santi , palanador da Asemblea Aberta antes de proceder ó rexistro do seu carro no que a parella atopou as xa famosas billardas acusándoo de posuír armas brancas. RADIO VARAL cazou as declaracións diste palandor no programa da Radio Galega O Tren do Serán e ponas á vosa disposición para que as descarguedes akí e sintedes a realidade diste acoso policial que acurrala ós membros da LNB. Instantáneamente foron ducias as mostras de apoio recibidas con chamados e mails máis nengún dos estamento oficiais depotivos galegos que ollan cara ó outro lado mentras no seu tellado se derrete a pataca quente, ademáis nista entrevista saíu a relocer a gran incógnita que xa está no ar, se nas estradas do país nos paran e nos acosan , qué pasará nos aeroportos cando a Auténtica colla rumbo a Deutschland e para iniciar o seu tan agardado European Red-Tour?


E se aguzades a orella porededes sentir as explosións dos roxóns na tixola dos xogadores de Tute e Chave de Ames que en solidaridade absoluta coa LNB iste sábado 22 pola mañán van por en marcha o 1º ABERTO DOS ROXÓNS en colaboración con ise referente absoluto da estornela na area de Compostela , O Mesón Marcos de Bertamiráns. Atentos á pantalla porque informaremos de todo , contactos para inscripción , lugar e horarios para o Aberto. Trunfa en bastos!!

segunda-feira, novembro 17, 2008

DO SUR Ó NORTE..... O ACOSO POLICIAL Á ACCIÓN DA LNB NON CESA !!


O Acoso policial do Sur transládade á Guagua Vermella da Conferencia Norleste, sen palabras nen argumentos deixan as impactante imaxes captadas polas cámaras ocultas dos palanadores que despapan ás claras o acoso ó que estamos a ser os deportistas da LNB.



Á altura de Celeiro de Mariñaos ( Barreiros) unha patrulla de tráfico para á guagua para realizar un suposto control rutinario de alcoholemia ó chofer da guagua mentras un dos axentes bota unha ollada ó interior do bus. E non rematan ahí as casualidades ....xusto ó rematar a o asalto en Vilaba a guagua da LNB con escasos metros andados atopouse con dous motoristas de tráfico agardando para escoltar o comboi ate saída da Vila.


Casualidades? Moitas ten que haber para que iste mesmo sábado 15 cando en Marin se desenrolaba o 3º asalto regular da Conferencia Sur que proclamou a Chupi campión na finalísima fronte a un resucitado e emerxente Elvis , aparecera na Voz de Galicia iste documento no que a concellala de Medio Ambiente de Marín falaba sobre a multa en curso ós irmáns de Almuinha por pegar carteis da LNB nas paredes da Vila. Bota unha ollada mentras celebramos a clama tensa coa que se desenrolou en Pontecarreira o 4º asalto regular da Conferencia NorOeste que víu caer a hexemonía Xaruta baixo a xeada e ven agora como se encolle a súa distancia cos seus máis inmediatos perseguidores.

ATENCIÓN Á INMERSIÓN LNB DISTA TARDE SOBRE AS 18:15 H. NO TREN DO SERÁN DA RADIO-GALEGA.

La Voz 15/11/2008

La Asociación Cultural Almuinha será previsiblemente sancionada por el Ayuntamiento de Marín por pegar carteles de una actividad fuera de los sitios establecidos. La ordenanza municipal de Medio Ambiente prohíbe expresamente pegar carteles en paredes.

Según explicó ayer la concejala de Medio Ambiente, la nacionalista Pilar Blanco, los hechos ocurrieron hace unos días cuando miembros de la asociación pegaron carteles en las paredes de varias calles del casco urbano, entre ellas, citó Méndez Núñez y A Roda. La asociación está registrada en el Ayuntamiento y tras recibir la notificación de la Policía Local dispone de un período para presentar alegaciones. En los carteles se anunciaba una jornada de la liga gallega de billarda, que se celebra esta tarde en el colegio de A Laxe. Pilar Blanco indicó que, según la ordenanza municipal, las multas van desde los 100 a casi mil euros.

sexta-feira, novembro 14, 2008

A MELLOR DEFENSA , UN ATAQUE SIMULTANEO NOS FRONTES DE MARIN , VILALBA E LEDOIRA!!

No tsunami de comentarios producidos polo eco en Vieiros da represión policial ós palanadores e palanadoras da LNB aprendemos un explosivo xeito de autodefensa emanado dos irmáns portugueses chamado “jogo do pau” que utilizaremos sen dudalo coma arte de defensa ante a indifencia dos estamentos deportivos oficiais. Collemos os paláns e billardas e pómoslle a molida ós bois para comenzarmos a viaxe para dista find con actividade nos tres fontes abertos


A serpe multicor do Sur come sapos e lebres para para forte e poderosa tentar consolidarse cun novo record de asistencia a apartires das 16 h. no Colexio da Laxe de Marin e borrar depaso todas as pegadas das presenzas reais pasadas e futuras.

Iste domindo 16 : A guagua vermella do NorLeste sáe da estación da bus de Ribadeo ás 15 h. para dirixirse collendo nas paradas habituais ós deportistas da conferencia á terra cha lugues para no Pavillón Insua Bermúdez de Vilalba loitar contra as pantasmas do presente e do pasado. Atención porque nos facemos eco dun espectacular concurso fotográfico dos irmáns da asociación cultural OLLOMAO de Barreiros , pese a que o prazo rematou fai uns días se marcades as fotos referenciadas con LNB de seguro que poderá haber un oco para as vosas instantáneas , aquí as bases. Ademáis coa que está caendo nas pistas de xogo da LNB ir sen cámada de fotos é case un suicidio. E Podes escoitar a kí , capturado por RADIO-VARAL a explosiva cortina publicitada de Palanotrönic xunto coa intervención da LNB no progama deportivo da Ser-Vilalba.


E os Batuxos Atlanticos do NorOeste blindaron os seus maleteiros para evitar os controis policiais no seu desprazamento do Domingo 16 ás indomábeis terras de LEDOIRA , parroquia do concello coruñés de Frades e terra mae da brava franquicia dos Furabolos.Racha co Apartheid billardeiro e Akod ás pistas da LNB!!

quarta-feira, novembro 12, 2008

EXPLOSIVO TRAILER-BÉLICO CARA Ó 3º ASALTO DE MARIN...... E VILALBA!!


A serpe multicor da LNB aínda exhausta despois do explosivo aberto do Castañazo Rock de Chantada , de loitar contra a escuridade coas charamenas e as luces dos coches no espectacular Aberto-Magosto do pasado sábado en Mos e consolidarse o dominio Xaruto en pleno centro da Coruña, na pista da Sardiñeira no 3º asalto da Conferencia NorOeste do pasado sábado 2 de novembro , marca agora o turno das outras dúas conferencias que afrontar firmes o seu terceiro carabullo da escada da Superliga Galega de Billarda.

E coma gran preludio da treboada TELE-VARAL apresenta un explosivo trailer que non deixará indiferente a naide, pinchas, misiles e billardas para afundir os barcos do imperialismo que ten o punto de mira nas pistas da LNB. Marin na Conferencia Sur que son os que producen o explosivo trailer é a vila elexida para iste sábado , nunha que se prevé multitudinaria enganchada derribar toda a flota inimiga que se poña diante e Vilalba , en plena terra cha luguesa a vila elexida pola Conf. Norleste para o domingo afrontar seu terceiro desquite regular. Atentos a iste trailer de tres eixos cargado de pincas e billardas radioactivas!!

segunda-feira, novembro 10, 2008

LNB , A LUZ NA ESCURIDADE DO LUSCO E LUSCO DE MOS!!


Espectacular instantanea que amosa a intensidade coa que se desputa na LNB, por riba das amiazas na subida dos recibos da luz e do Mos-keo xeralizado pola presencia policial a pé de pista iste sábado na carballeira de Mos , impresionante éxito billardeiro no Aberto-Magosto no que unha das grandes novas estivo en que o non vencedor dista enganchada foi Rubén dos Lideiras, atentos ó crónico no web oficial da Conf. Sur e paso inexcusábel polo Foto-Varal da xornada e polo album da batalla no Castanhazo-rock de Chantada!!

quinta-feira, novembro 06, 2008

MOS : CASTAÑAS, MÚSICA E BILLARDAS CONTRA O APARTHEID!!


RADIO-VARAL volta a capturar o espectacular análise realizado no programa irmán da radio pública asturiana ACUTO da II Copa Cantábrica de Liriu#billarda con Javier , machetador da selección astur , Escoitao Aki!! . Nistes intres de acoso policial e xudicial ós membros da LNB , especialmente sangrante no caso da palanadora María Bagaría, queremos animar pois, a unha masiva afluencia iste sábado a partires das 17 h ó Aberto-Magosto de Mos para demostrarlle ó inimigo que nada nen nadie nos vai facer retroceder. Mentras estalan as castañas na tixola... Ferro e Lume na pista da Carballeira de Mos contra o apartheid billardeiro!!



E se no noso país todas as alarmas ollan cara á LNB no pais veciño atención porque se está fraguando unha de carallo , a semente da Copa Cantábrica está a fructificar baixo terra e moi pronto poderá haber noticias dun Tsunami de consecuancias impredecíbeis. Como mostra un explosivo botón aperecido na edición asturiana en papel do xornal 20 minutos:

Vienres 31 d'ochobre na edición asturiana del 20 Minutos

Liriu sieglu XXI

Cualquier xuegu tradicional trescribe una dosis del ser d’un pueblu. Hailos que surden de ludificar los llabores, otros de la conocencia y del dominiu de la naturaleza, y hailos, tamién, que sobrevolando la realidá, proxéctense en regles y formes independientes de toa cotidianeidá. Pero hai dalgo que tovía diz más d’una tierra, d’una cultura. Ye’l berríu d’emerxencia de los que demuestren con artes d’agora qu’aquello tan antiguo non sólo nun perdió utilidá, sinón que nesta dómina garra nueva y refrescante funcionalidá. La fola de la recuperación del liriu o paliyu, esi xuegu consistente en pega-y a un palu pequeñu con otru mayor, arribó a Asturies va unos díes, surfiada dende lo cimero pol inigualable Xermán Viluba, un detonador del tostón que ta camudando eso qu’en Galicia llamen billarda nuna verdadera revolución. La ferramienta ta preparada, una pegañosa telaraña metanes de la gran rede, con base n’ovaral.blogspot.com y filos puestos na música, la lliteratura, la televisión, la radio... na información en tiempu real.

Carlos Suari

terça-feira, novembro 04, 2008

MULTAS E ACOSO POLICIAL CONTRA OS MEMBROS DA LNB, STOP AO APARTHEID !!

Simplemente incríbel acoso policial que os palandores e palandoras da LNB estamos a sufrir nos nosos corpos. Algo inaudito no deporte mundial dende o levantamento do apartheid na Sudáfrica. Qué pasa para que palandores de Marín sexan multadoscon máis de 300 euros por colgar cataces da LNB anunciadores da segunda xornada da SUPERLIGA DE BILLARDA e que ista semana pasada un palandor dos Asemblea Aberta en Ponteareas sexa rexistrado o seu coche por policías nacionais e sexa multado con pago de máis de 250 euros por levar billardas e palans no maleteiro ademáis de ser requisado todo o seu material deportivo polos corpos de represión do estado.


A LNB quere advertir a tódolos palanadores e palandoras de que sen dúbida veñen por nós, polo que anunciamos que estamos tramitando o apoio de deporte galego para selar uns carnets que nos acredite coma deportistas para amosar ante futuros rexistros policiais , ademáis de tentar conseguir o seu apoio no caso que as causas abertas continúen a diante. Hai quén quere frear con multas e represión policial o frenético ritmo da LNB como se puido ver baixo a treboada no barrio coruñés dos Mallos o pasado domingo antesala do Aberto-Magosto da Carballeira de Mos diste sábado 8 ó que agardamos cheguar todos os palandores sen termos que pasar por previos controis policiais. Hipocresía tamén stop!!

sábado, novembro 01, 2008

A FORZA DOS MEXILÓNS DE MOAÑA IMPULSA A RUBÉN NO ABERTO DO CASTANHAZO-ROCK!!

Os caldeiros de auga caídos en Celeiro de Mariñaos obrigaron á suspensión do Aberto nas vermellas terras do norte ,un pouco máis para abaixo eran milleiros os litros cúbikos de bravura cos que se anagaron o mercado gandeiro de Chatada para realizar o I Aberto do Castanhazo-Rock , nómina total de bravo-palandores que revasou as tres dúcias e final de infarto coa chuvia amiazando entre Xosé Miguel e Rubén ambos super-estreals xa da Conferencia Sur, o son da vinganza do acontecido no pasaldo asalto en Moaña resoou na final coa espectacular saída de carreira de X.Miguel favorecido por un desastroso arrinque de Rubén movendo só un par de metros a billarda na saída , pero o peso da vendetta presionou en exceso a X.Miguel errando nun golpexo a escasos metros do Varal deixando que Rubén cun espectacular semi-varado, impulsado aínda pola forza dos mexilóns de Moaña, se levase iste bravo aberto de billarda que nace coa firme convicción de quedarse. Olladas ó ceo apara ver que pasa iste domingo nos Mallos detrás da pista da Sardiñeira a partires das 16:30 h. Avanti Popolo!!